tenpo pini poka la | mi kama jo e ijo musi sin
nimi musi ni li musi [tawa,, ma,, ko,, sin,,]
musi ni la | jan li wile mama e soweli lili insa ilo musi
jan li pana e moku e telo e suwi tawa ona | li weka e ko jaki | li pona e ike | li musi e pilin
soweli ni li lon ala li musi taso | taso sina awen mama e ona la | ni li kama sama soweli lon

tenpo sike pini nanpa mute02 la | tenpo sike nanpa luka&luka&luka&tu&tu ale mute&mute mute&mute luka&luka&luka&wan la | musi [tawa,, ma,, ko,, sin,,] li kama lon
nimi ni li sama sike mama en ilo tenpo lon toki [ni,, pona,,,]
sijelo pi (ilo musi) li sama sike mama | li jo e lipu lukin sama ilo tenpo | li sama nimi a
ilo musi li kama lon la | jan li olin li esun e ilo mute | ni la | jan mute mute li sona e musi ni

lon tenpo open la | tenpo sike pini nanpa mute02 la | lipu lukin pi (ilo musi) li pimeja en walo taso | li jo ala e kule
jan li mama e soweli wan taso
tenpo ni la | mi jo e ilo musi sin
ilo li jo e lipu lukin kule | li ken mama e soweli mute lon tenpo mute
soweli sin li kama lon la | ona li ken jo e kule selo en oko sama mama soweli ona
ni la | nimi pi (ilo musi sin ni) li ma mama pona
mama pona a

musi la | soweli ante mute li lon
ona ale li suwi mute la | jan mute li olin e ona mute
mi la | soweli [kule,, sin,, pan,, sin,,] li pona a
ona li jo e selo laso li jo e uta suli | li suwi mute mute a | mi olin mute e ona a

tenpo suno pini la | mi tawa ma musi
ma ni la | kulupu li musi e tenpo sike nanpa mute02 tan mama pi musi [tawa,, ma,, ko,, sin,,] | jan li ken kama musi li lukin li esun
mi esun e ilo musi [kule,, sin,, pan,, sin,,] lili tu | ona li suwi a | kin la | mi en jan ante li musi e ilo musi pi (ma mama pona) lon tenpo sama
wan e ilo mi en ilo ona la | soweli mi en soweli ona li ken musi lon ma sama | taso | soweli tu li pilin musi ala
ni li pona kin

musi [tawa,, ma,, ko,, sin,,] li pona mute li musi mute a a a
o kama musi

tenpo pini poka la, mi kama jo e ijo musi sin. nimi musi ni li musi Tamakosi. musi ni la, jan li wile mama e soweli lili insa ilo musi. jan li pana e moku e telo e suwi tawa ona, li weka e ko jaki, li pona e ike, li musi e pilin. soweli ni li lon ala li musi taso, taso sina awen mama e ona la, ni li kama sama soweli lon.

tenpo sike pini nanpa mute la, tenpo sike nanpa LLLTTAMMMMLLLW la, musi Tamakosi li kama lon. nimi ni li sama sike mama en ilo tenpo lon toki Nipon. sijelo pi ilo musi li sama sike mama, li jo e lipu lukin sama ilo tenpo, li sama nimi a. ilo musi li kama lon la, jan li olin li esun e ilo mute, ni la, jan mute mute li sona e musi ni.

lon tenpo open la, tenpo sike pini nanpa mute la, lipu lukin pi ilo musi li pimeja en walo taso, li jo ala e kule. jan li mama e soweli wan taso. tenpo ni la, mi jo e ilo musi sin. ilo li jo e lipu lukin kule, li ken mama e soweli mute lon tenpo mute. soweli sin li kama lon la, ona li ken jo e kule selo en oko sama mama soweli ona. ni la, nimi pi ilo musi sin ni li ma mama pona. mama pona a!

musi la, soweli ante mute li lon. ona ale li suwi mute la, jan mute li olin e ona mute. mi la, soweli Kusipasi li pona a. ona li jo e selo laso li jo e uta suli, li suwi mute mute a! mi olin mute e ona a!

tenpo suno pini la, mi tawa ma musi. ma ni la, kulupu li musi e tenpo sike nanpa mute tan mama pi musi Tamakosi, jan li ken kama musi li lukin li esun. mi esun e ilo musi Kusipasi lili tu, ona li suwi a! kin la, mi en jan ante li musi e ilo musi pi ma mama pona lon tenpo sama. wan e ilo mi en ilo ona la, soweli mi en soweli ona li ken musi lon ma sama! taso, soweli tu li pilin musi ala. ni li pona kin.

musi Tamakosi li pona mute li musi mute a a a. o kama musi!